DE VITA CONTEMPLATIVA ~ PHILO ~ textexcavation.com - earlychristianwritings.com - sas.upenn.edu
ΠΕΡΙ ΒΙΟΥ ΘΕΩΡΗΤΙΚΟΥ Η ΙΚΕΤΩΝ | ΠΕΡΙ ΑΡΕΤΩΝ ΤΟ ΤΕΤΑΡΤΟΝ
εσσαιων περι διαλεχθεις οἱ τον πρακτικον εζηλωσαν και διεπονησαν βιον εν ἁπασιν η το γουν φορητοτερον ειπειν τοις πλειστοις μερεσι διενεγκοντες αυτικα και περι των θεωριαν ασπασαμενων ακολουθιᾳ της πραγματειας ἑπομενος τα προσηκοντα λεξω μηδεν οικοθεν ἑνεκα του βελτιωσαι προστιθεις ὁ δραν εθος εν σπανει καλων επιτηδευματων ἁπασι τοις ποιηταις και λογογραφοις αλλ ατεχνως αυτης περιεχομενος της αληθειας προς ἡν οιδ ὁτι και ὁ δεινοτατος ειπειν απαγορευσει διαθλητεον δε ὁμως και διαγωνιστεον ου γαρ δει το μεγεθος της των ανδρων αρετης αιτιον αφωνιας γενεσθαι τοις μηδεν καλον ἡσυχαζεσθαι δικαιουσιν ἡ δε προαιρεσις των φιλοσοφων ευθυς εμφαινεται δια της προσρησεως θεραπευται γαρ και θεραπευτριδες ετυμως καλουνται ητοι παροσον ιατρικην επαγγελλονται κρεισσονα της κατα πολεις ἡ μεν γαρ σωματα θεραπευει μονον εκεινη δε και ψυχας νοσοις κεκρατημενας χαλεπαις τε και δυσιατοις ἁς εγκατεσκηψαν ἡδοναι και επιθυμιαι και λυπαι και φοβοι πλεονεξιαι τε και αφροσυναι και αδικιαι και το των αλλων παθων και κακιων ανηνυτον πληθος η παροσον εκ φυσεως και των ἱερων νομων επαιδευθησαν θεραπευειν το ον ὁ και αγαθου κρειττον εστι και ἑνος ειλικρινεστερον και μοναδος αρχεγονωτερον οἱς τινας συγκρινειν αξιον των επαγγελλομενων ευσεβειαν αρα γε τους τα στοιχεια τιμωντας γην ὑδωρ αερα πυρ οἱς και επωνυμιας εθεντο ἑτερας ἑτεροι το μεν πυρ ἡφαιστον παρα την εξαψιν οιμαι καλουντες ἡραν δε τον αερα παρα το αιρεσθαι και μετεωριζεσθαι προς ὑψος το δε ὑδωρ ποσειδωνα ταχα που δια το ποτον την δε γην δημητραν παροσον μητηρ ειναι δοκει παντων φυτων τε και ζῳων αλλα τα μεν ονοματα σοφιστων εστιν εὑρηματα τα δε στοιχεια αψυχος ὑλη και εξ ἑαυτης ακινητος ὑποβεβλημενη τῳ τεχνιτῃ προς ἁπασας σχηματων και ποιοτητων ιδεας αλλα τους τα αποτελεσματα ἡλιον σεληνην η τους αλλους αστερας πλανητας η απλανεις η τον συμπαντα ουρανον τε και κοσμον αλλα και ταυτα ουκ εξ ἑαυτων γεγονεν αλλ ὑπο τινος δημιουργου τελειοτατου την επιστημην αλλα τους ἡμιθεους η τουτο γε και χλευης αξιον πως γαρ αν ὁ αυτος αθανατος τε και θνητος ειη διχα του και την αρχην της τουτων γενεσεως επιληπτον ειναι μειρακιωδους ακρασιας αναπλεων ἡν τολμωσιν ουκ ευαγως προσαπτειν ταις μακαριαις και θειαις δυναμεσιν ει γυναιξι θνηταις επιμανεντες ὡμιλησαν οἱ παντος παθους αμετοχοι και τρισευδαιμονες αλλα τους τα ξοανα και αγαλματα ὡν αἱ ουσιαι λιθοι και ξυλα τα μεχρι προ μικρου τελειως αμορφα λιθοτομων και δρυοτομων της συμφυϊας αυτα διακοψαντων ὡν τα αδελφα μερη και συγγενη λουτροφοροι γεγονασι και ποδονιπτρα και αλλα αττα των ατιμοτερων ἁ προς τας εν σκοτῳ χρειας ὑπηρετει μαλλον η τας εν φωτι των μεν γαρ παρ αιγυπτιοις ουδε μεμνησθαι καλον οἱ ζῳα αλογα και ουχ ἡμερα μονον αλλα και θηριων τα αγριωτατα παραγηοχασιν εις θεων τιμας εξ ἑκαστου των κατω σεληνης χερσαιων μεν λεοντα ενυδρων δε τον εγχωριον κροκοδειλον αεροπορων δε ικτινον και την αιγυπτιαν ιβιν και ταυτα ὁρωντες γεννωμενα και τροφης χρειαν εχοντα και περι εδωδην απληστα και μεστα περιττωματων ιοβολα τε και ανθρωποβορα και νοσοις ἁλωτα παντοιαις και ου μονον θανατῳ τῳ κατα φυσιν αλλα και βιαιῳ πολλακις διαφθειρομενα προσκυνουσιν οἱ ἡμεροι τα ανημερα και ατιθασα και οἱ λογικοι τα αλογα και οἱ συγγενειαν εχοντες προς το θειον τα μηδ αν θερσιτῃσι συγκριθεντα οἱ αρχοντες και δεσποται τα ὑπηκοα φυσει και δουλα
αλλ οὑτοι μεν επειδηπερ ου τους ὁμοφυλους μονον αλλα και τους πλησιαζοντας αναπιμπλασι φλυαριας αθεραπευτοι διατελειτωσαν οψιν την αναγκαιοτατην των αισθησεων πεπηρωμενοι λεγω δε ου την σωματος αλλα την ψυχης ᾑ το αληθες και το ψευδος μονῃ γνωριζεται το δε θεραπευτικον γενος βλεπειν αει προδιδασκομενον της του οντος θεας εφιεσθω και τον αισθητον ἡλιον ὑπερβαινετω και μηδεποτε την ταξιν ταυτην λειπετω προς τελειαν αγουσαν ευδαιμονιαν οἱ δε επι θεραπειαν ιοντες ουτε εξ εθους ουτε εκ παραινεσεως η παρακλησεως τινων αλλ ὑπ ερωτος ἁρπασθεντες ουρανιου καθαπερ οἱ βακχευομενοι και κορυβαντιωντες ενθουσιαζουσι μεχρις αν το ποθουμενον ιδωσιν ειτα δια τον της αθανατου και μακαριας ζωης ἱμερον τετελευτηκεναι νομιζοντες ηδη τον θνητον βιον απολειπουσι τας ουσιας υἱοις η θυγατρασιν ειτε και αλλοις συγγενεσιν ἑκουσιῳ γνωμῃ προκληρονομουμενοι οἱς δε μη συγγενεις εισιν ἑταιροις και φιλοις εδει γαρ τους τον βλεποντα πλουτον εξ ἑτοιμου λαβοντας τον τυφλον παραχωρησαι τοις ετι τας διανοιας τυφλωττουσιν αναξαγοραν και δημοκριτον ἑλληνες ᾳδουσιν ὁτι φιλοσοφιας ἱμερῳ πληχθεντες μηλοβοτους ειασαν γενεσθαι τας ουσιας αγαμαι τους ανδρας και αυτος γενομενους χρηματων κρειττονας αλλα ποσῳ βελτιονες οἱ μη θρεμμασιν εμβοσκεσθαι τας κτησεις ανεντες αλλα τας ανθρωπων ενδειας συγγενων η φιλων επανορθωσαμενοι και εξ απορων ευπορους αποφηναντες εκεινο μεν γαρ απερισκεπτον ἱνα μη μανιωδες επ ανδρων οὑς ἡ ἑλλας εθαυμασεν ειπω το εργον τουτο δε νηφαλιον και μετα φρονησεως ηκριβωμενον περιττης οἱ πολεμιοι τι πλεον δρωσιν η κειρουσι και δενδροτομουσι την των αντιπαλων χωραν ἱνα σπανει των αναγκαιων πιεσθεντες ενδωσι τουτο οἱ περι δημοκριτον τοις αφ αἱματος ειργασαντο χειροποιητον ενδειαν και πενιαν αυτοις κατασκευασαντες ουκ εξ επιβουλης ισως αλλα τῳ μη προϊδεσθαι και περιαθρησαι το τοις αλλοις συμφερον ποσῳ δη κρειττους οὑτοι και θαυμασιωτεροι χρησαμενοι μεν ουκ ελαττοσι ταις προς φιλοσοφιαν ὁρμαις μεγαλονοιαν δε ολιγωριας προτιμησαντες και χαρισαμενοι τας ουσιας αλλα μη διαφθειραντες ἱνα και ἑτερους και ἑαυτους ὠφελησωσι τους μεν εν αφθονοις περιουσιαις ἑαυτους δε εν τῳ φιλοσοφειν αἱ γαρ χρηματων και κτηματων επιμελειαι τους χρονους αναλισκουσι χρονου δε φειδεσθαι καλον επειδη κατα τον ιατρον ἱπποκρατην ὁ μεν βιος βραχυς ἡ δε τεχνη μακρη τουτο μοι δοκει και ὁμηρος αινιξασθαι εν ιλιαδι κατα την αρχην της τρισκαιδεκατης ῥαψῳδιας δια τουτων των επων μυσων τ αγχεμαχων και αγαυων ἱππημολγων γλακτοφαγων αβιων τε δικαιοτατων ανθρωπων ὡς της μεν περι βιον σπουδης και χρηματισμον αδικιαν γεννωσης δια το ανισον δικαιοσυνην δε της εναντιας προαιρεσεως ἑνεκα ισοτητος καθ ἡν ὁ της φυσεως πλουτος ὡρισται και παρευημερει τον εν ταις κεναις δοξαις
ὁταν ουν εκστωσι των ουσιων ὑπ ουδενος ετι δελεαζομενοι φευγουσιν αμεταστρεπτι καταλιποντες αδελφους τεκνα γυναικας γονεις πολυανθρωπους συγγενειας φιλικας ἑταιρειας τας πατριδας εν αἱς εγεννηθησαν και ετραφησαν επειδη το συνηθες ὁλκον και δελεασαι δυνατωτατον μετοικιζονται δε ουκ εις ἑτεραν πολιν ὡσπερ οἱ πρασιν αιτουμενοι παρα των κεκτημενων ατυχεις η κακοδουλοι δεσποτων ὑπαλλαγην ουκ ελευθεριαν αὑτοις εκποριζοντες πασα γαρ πολις και ἡ ευνομωτατη γεμει θορυβων και ταραχων αμυθητων ἁς ουκ αν ὑπομειναι τις ἁπαξ ὑπο σοφιας αχθεις αλλα τειχων εξω ποιουνται τας διατριβας εν κηποις η μοναγριαις ερημιαν μεταδιωκοντες ου δια τινα ὠμην επιτετηδευμενην μισανθρωπιαν αλλα τας εκ των ανομοιων το ηθος επιμιξιας αλυσιτελεις και βλαβερας ειδοτες πολλαχου μεν ουν της οικουμενης εστι το γενος εδει γαρ αγαθου τελειου μετασχειν και την ἑλλαδα και την βαρβαρον πλεοναζει δε εν αιγυπτῳ καθ ἑκαστον των επικαλουμενων νομων και μαλιστα περι την αλεξανδρειαν οἱ δε πανταχοθεν αριστοι καθαπερ εις πατριδα [θεραπευτων] αποικιαν στελλονται προς τι χωριον επιτηδειοτατον ὁπερ εστιν ὑπερ λιμνης μαρειας κειμενον επι γεωλοφου χθαμαλωτερου σφοδρα ευκαιρως ασφαλειας τε ἑνεκα και αερος ευκρασιας την μεν ουν ασφαλειαν αἱ εν κυκλῳ παρεχουσιν επαυλεις τε και κωμαι την δε περι τον αερα ευκρασιαν αἱ εκ τε της λιμνης ανεστομωμενης εις την θαλατταν και του πελαγους εγγυς οντος αναδιδομεναι συνεχεις αυραι λεπται μεν αἱ εκ του πελαγους παχειαι δε αἱ απο της λιμνης ὡν ἡ μιξις ὑγιεινοτατην καταστασιν απεργαζεται αἱ δε οικιαι των συνεληλυθοτων σφοδρα μεν ευτελεις εισι προς δυο τα αναγκαιοτατα σκεπην παρεχουσαι προς τε τον αφ ἡλιου φλογμον και τον απ αερος κρυμον ουτε δε εγγυς ὡσπερ αἱ εν τοις αστεσιν οχληρον γαρ και δυσαρεστον τοις ερημιαν εζηλωκοσι και μεταδιωκουσιν αἱ γειτνιασεις ουτε πορρω δι ἡν ασπαζονται κοινωνιαν και ἱνα ει λῃστων γενοιτο εφοδος αλληλοις επιβοηθωσιν εν ἑκαστῃ δε εστιν οικημα ἱερον ὁ καλειται σεμνειον και μοναστηριον εν ᾡ μονουμενοι τα του σεμνου βιου μυστηρια τελουνται μηδεν εισκομιζοντες μη ποτον μη σιτιον μηδε τι των αλλων ὁσα προς τας του σωματος χρειας αναγκαια αλλα νομους και λογια θεσπισθεντα δια προφητων και ὑμνους και τα αλλα οἱς επιστημη και ευσεβεια συναυξονται και τελειουνται αει μεν ουν αληστον εχουσι την του θεου μνημην ὡς και δι ονειρατων μηδεν ἑτερον η τα καλλη των θειων αρετων και δυναμεων φαντασιουσθαι πολλοι γουν και εκλαλουσιν εν ὑπνοις ονειροπολουμενοι τα της ἱερας φιλοσοφιας αοιδιμα δογματα δις δε καθ ἑκαστην ἡμεραν ειωθασιν ευχεσθαι περι την ἑω και περι την ἑσπεραν ἡλιου μεν ανισχοντος ευημεριαν αιτουμενοι την οντως ευημεριαν φωτος ουρανιου την διανοιαν αυτων αναπλησθηναι δυομενου δε ὑπερ του την ψυχην του των αισθησεων και αισθητων οχλου παντελως επικουφισθεισαν εν τῳ ἑαυτης συνεδριῳ και βουλευτηριῳ γενομενην αληθειαν ιχνηλατειν το δε εξ ἑωθινου μεχρις ἑσπερας διαστημα συμπαν αυτοις εστιν ασκησις εντυγχανοντες γαρ τοις ἱεροις γραμμασι φιλοσοφουσι την πατριον φιλοσοφιαν αλληγορουντες επειδη συμβολα τα της ῥητης ἑρμηνειας νομιζουσιν αποκεκρυμμενης φυσεως εν ὑπονοιαις δηλουμενης εστι δε αυτοις και συγγραμματα παλαιων ανδρων οἱ της αἱρεσεως αρχηγεται γενομενοι πολλα μνημεια της εν τοις αλληγορουμενοις ιδεας απελιπον οἱς καθαπερ τισιν αρχετυποις χρωμενοι μιμουνται της προαιρεσεως τον τροπον ὡστε ου θεωρουσι μονον αλλα και ποιουσιν ᾳσματα και ὑμνους εις τον θεον δια παντοιων μετρων και μελων ἁ ῥυθμοις σεμνοτεροις αναγκαιως χαραττουσι
τας μεν ουν ἑξ ἡμερας χωρις ἑκαστοι μονουμενοι παρ ἑαυτοις εν τοις λεχθεισι μοναστηριοις φιλοσοφουσι την αυλειον ουχ ὑπερβαινοντες αλλ ουδε εξ αποπτου θεωρουντες ταις δε ἑβδομαις συνερχονται καθαπερ εις κοινον συλλογον και καθ ἡλικιαν ἑξης καθεζονται μετα του πρεποντος σχηματος εισω τας χειρας εχοντες την μεν δεξιαν μεταξυ στερνου και γενειου την δε ευωνυμον ὑπεσταλμενην παρα τῃ λαγονι παρελθων δε ὁ πρεσβυτατος και των δογματων εμπειροτατος διαλεγεται καθεστωτι μεν τῳ βλεμματι καθεστωσῃ δε τῃ φωνῃ μετα λογισμου και φρονησεως ου δεινοτητα λογων ὡσπερ οἱ ῥητορες η οἱ νυν σοφισται παρεπιδεικνυμενος αλλα την εν τοις νοημασι διηρευνηκως και διερμηνευων ακριβειαν ἡτις ουκ ακροις ὠσιν εφιζανει αλλα δι ακοης επι ψυχην ερχεται και βεβαιως επιμενει καθ ἡσυχιαν δε οἱ αλλοι παντες ακροωνται τον επαινον νευμασιν οψεως η κεφαλης παραδηλουντες αυτο μονον το δε κοινον τουτο σεμνειον εις ὁ ταις ἑβδομαις συνερχονται διπλους εστι περιβολος ὁ μεν εις ανδρωνα ὁ δε εις γυναικωνιτιν αποκριθεις και γαρ και γυναικες εξ εθους συνακροωνται τον αυτον ζηλον και την αυτην προαιρεσιν εχουσαι ὁ δε μεταξυ των οικων τοιχος το μεν εξ εδαφους επι τρεις η τεσσαρας πηχεις εις το ανω συνῳκοδομηται θωρακιου τροπον το δε αχρι τεγους αναγειον αχανες ανειται δυοιν ἑνεκα του τε την πρεπουσαν αιδω τῃ γυναικειᾳ φυσει διατηρεισθαι και του την αντιληψιν εχειν ευμαρη καθεζομενας εν επηκοῳ μηδενος την του διαλεγομενου φωνην εμποδιζοντος εγκρατειαν δε ὡσπερ τινα θεμελιον προκαταβαλλομενοι της ψυχης τας αλλας εποικοδομουσιν αρετας σιτιον η ποτον ουδεις αν αυτων προσενεγκαιτο προ ἡλιου δυσεως επει το μεν φιλοσοφειν αξιον φωτος κρινουσιν ειναι σκοτους δε τας του σωματος αναγκας ὁθεν τῳ μεν ἡμεραν ταις δε νυκτος βραχυ τι μερος ενειμαν ενιοι δε και δια τριων ἡμερων ὑπομιμνῄσκονται τροφης οἱς πλειων ὁ ποθος επιστημης ενιδρυται τινες δε οὑτως ενευφραινονται και τρυφωσιν ὑπο σοφιας ἑστιωμενοι πλουσιως και αφθονως τα δογματα χορηγουσης ὡς και προς διπλασιονα χρονον αντεχειν και μολις δι ἑξ ἡμερων απογευεσθαι τροφης αναγκαιας εθισθεντες ὡσπερ φασι το των τεττιγων γενος αερι τρεφεσθαι της ᾠδης ὡς γε οιμαι την ενδειαν εξευμαριζουσης την δε ἑβδομην πανιερον τινα και πανεορτον ειναι νομιζοντες εξαιρετου γερως ηξιωκασιν εν ᾑ μετα την της ψυχης επιμελειαν και το σωμα λιπαινουσιν ὡσπερ αμελει και τα θρεμματα των συνεχων πονων ανιεντες σιτουνται δε πολυτελες ουδεν αλλα αρτον ευτελη και οψον ἁλες οὑς οἱ ἁβροδιαιτοι παραρτυουσιν ὑσσωπῳ ποτον δε ὑδωρ ναματιαιον αυτοις εστιν ἁς γαρ ἡ φυσις επεστησε τῳ θνητῳ γενει δεσποινας πειναν τε και διψαν απομειλισσονται των εις κολακειαν επιφεροντες ουδεν αλλ αυτα τα χρησιμα ὡν ανευ ζην ουκ εστι δια τουτο εσθιουσι μεν ὡστε μη πεινην πινουσι δε ὡστε μη διψην πλησμονην ὡς εχθρον τε και επιβουλον ψυχης τε και σωματος εκτρεπομενοι επει δε και σκεπης διττον ειδος το μεν εσθης το δε οικια περι μεν οικιας ειρηται προτερον ὁτι εστιν ακαλλωπιστος και αυτοσχεδιος προς το χρειωδες αυτο μονον ειργασμενη και εσθης δε ὁμοιως ευτελεστατη προς αλεξημα κρυμου τε και θαλπους χλαινα μεν απο λασιου δορας παχεια χειμωνος εξωμις δε θερους η οθονη συνολως γαρ ασκουσιν ατυφιαν ειδοτες τυφον μεν του ψευδους αρχην ατυφιαν δε αληθειας ἑκατερον δε πηγης λογον εχον ῥεουσι γαρ απο μεν του ψευδους αἱ πολυτροποι των κακων ιδεαι απο δε της αληθειας αἱ περιουσιαι των αγαθων ανθρωπινων τε και θειων
βουλομαι δε και τας κοινας συνοδους αυτων και ἱλαρωτερας εν συμποσιοις διαγωγας ειπειν αντιταξας τα των αλλων συμποσια οἱ μεν γαρ ὁταν ακρατον εμφορησωνται καθαπερ ουκ οινον πιοντες αλλα παρακινηματικον τι και μανιωδες και ει τι χαλεπωτερον επ εκστασει λογισμου φυσικον αρασσουσι και λυττωσι τροπον κυνων ατιθασων και επανισταμενοι δακνουσιν αλληλους και αποτρωγουσι ῥινας ωτα δακτυλους ἑτερα αττα μερη του σωματος ὡς τον επι κυκλωπος και των οδυσσεως ἑταιρων μυθον αποδεδειχεναι τουτους αληθη ψωμους ᾑ φησιν ὁ ποιητης επεσθιοντας ανθρωπων και ὠμοτερον η εκεινος ὁ μεν γαρ εχθρους ὑποτοπησας ημυνετο οἱ δε συνηθεις και φιλους εστι δε ὁτε και συγγενεις εφ ἁλων και τραπεζης ασπονδα εν σπονδαις εργασαμενοι των εν τοις γυμνικοις αγωσιν ὁμοια και παρακοπτοντες ὡσπερ νομισμα δοκιμον ασκησιν οἱ αντι αθλητων αθλιοι τουτο γαρ αυτοις επιφημιστεον ἁ γαρ νηφοντες εν σταδιοις εκεινοι θεαταις χρωμενοι τοις πανελλησι μεθ ἡμεραν ἑνεκα νικης και στεφανων [ολυμπιονικαι] συν τεχνῃ δρωσιν οὑτοι κιβδηλευοντες επι συμποσιων νυκτωρ εν σκοτῳ (και) μεθυοντες εμπαροινουντες ανεπιστημονως και κακοτεχνως επ ατιμιᾳ και ὑβρει και αικιᾳ χαλεπῃ των ὑπομενοντων ενεργουσιν ει δε μηδεις οἱα βραβευτης παρελθων μεσος διαλυσειε μετα πλειονος εξουσιας καταπαλαιουσι φονωντες εν ταυτῳ και θανατωντες πασχουσι γαρ ουκ ελαττονα ὡν διατιθεασιν ὁπερ ουκ ισασι παραπαιοντες οἱ τον οινον ουχ ὡς ὁ κωμικος φησιν επι κακῳ των πλησιον αυτο μονον αλλα και επι τῳ ιδιῳ πινειν ὑπομενοντες τοιγαρουν οἱ προ μικρου παρελθοντες εις τα συμποσια σῳοι και φιλοι μικρον ὑστερον εξιασιν εχθροι και τα σωματα ηκρωτηριασμενοι και οἱ μεν συνηγορων και δικαστων οἱ δε καταπλαστων και ιατρων και της ὑπο τουτων δεονται βοηθειας ἑτεροι δε των μετριωτερων δοκουντων ειναι συμποτων ὡσπερ μανδραγοραν τον ακρατον πιοντες ὑπερβεβλυκασι και τον ευωνυμον αγκωνα προβαλοντες και τον αυχενα εγκαρσιον επιστρεψαντες ενερευγομενοι ταις κυλιξιν ὑπνῳ βαθει πιεζονται μηδεν μητε ιδοντες μητε ακουσαντες ὡς μιαν μονην εχοντες αισθησιν την ανδραποδωδεστατην γευσιν οιδα δε τινας [οἱ] επειδαν ακροθωρακες γενωνται πριν τελεως βαπτισθηναι τον εις την ὑστεραιαν ποτον εξ επιδοσεως και συμβολων προευτρεπιζομενους μερος ὑπολαμβανοντας της εν χερσιν ευφροσυνης ειναι την περι της εις το μελλον μεθης ελπιδα τουτον τον τροπον διαζωντες αοικοι και ανεστιοι διατελουσιν εχθροι μεν γονεων και γυναικων και τεκνων εχθροι δε και της πατριδος πολεμιοι δε και ἑαυτων ὑγρος γαρ και ασωτος βιος ἁπασιν επιβουλος ισως δ αν τις αποδεξαιτο την επιπολαζουσαν νυνι των συμποσιων πανταχου διαθεσιν κατα ποθον της ιταλικης πολυτελειας και τρυφης ἡν εζηλωσαν ἑλληνες τε και βαρβαροι προς επιδειξιν μαλλον η προς ευωχιαν ποιουμενοι τας παρασκευας τρικλινα τε και πολυκλινα χελωνης η ελεφαντος κατεσκευασμενα και τιμαλφεστερας ὑλης ὡν τα πλειστα λιθοκολλητα στρωμναι ἁλουργεις ενυφασμενου χρυσου και ανθοβαφεις ἑτεραι παντοιων χρωματων προς το της οψεως επαγωγον εκπωματων πληθος εκτεταγμενων καθ ἑκαστον ειδος ῥυτα γαρ και φιαλαι και κυλικες και ἑτερα πολυειδη τεχνικωτατα θηρικλεια και τορειαις επιστημονικων ανδρων ηκριβωμενα διακονικα ανδραποδα ευμορφοτατα και περικαλλεστατα ὡς αφιγμενα ουχ ὑπηρεσιας ἑνεκα μαλλον η του φανεντα την των θεωμενων οψιν ἡδυναι τουτων οἱ μεν παιδες ετι οντες οινοχοουσιν ὑδροφορουσι δε βουπαιδες λελουμενοι και λελειασμενοι (οἱ) τα τε προσωπα εντριβονται και ὑπογραφονται και τας της κεφαλης τριχας ευ πως διαπλεκονται σφηκουμενοι βαθυχαιται γαρ εισιν η μη κειρομενοι το παραπαν η τας προμετωπιδιους αυτο μονον εξ ακρων εις επανισωσιν και γραμμης κυκλοτερους ηκριβωμενον σχημα χιτωνας τε αραχνοϋφεις και εκλευκους επαναζωσαμενοι τα μεν εμπροσθια κατωτερω των ὑπο γονου τα δε κατοπιν μικρον ὑπο τοις γονατιοις ἑκατερον δε μερος ουλοτεραις ταις σειραιαις επιδιπλωσεσι κατα την των χιτωνισκων συμβολην συστελλοντες εκ πλαγιων κολπους απαιωρουσιν ευρυνοντες τα κοιλα των πλευρων εφεδρευουσι δ αλλοι μειρακια (η) πρωτογενεια τους ιουλους αρτι ανθουντες αθυρματα προ μικρου παιδεραστων γεγονοτες ησκημενοι σφοδρα περιεργως προς τας βαρυτερας ὑπηρεσιας επιδειξις ἑστιατορων ευποριας ὡς ισασιν οἱ χρωμενοι ὡς δε εχει το αληθες απειροκαλιας προς δε τουτοις αἱ πεμματων και οψων και ἡδυσματων ποικιλιαι περι ἁ σιτοπονοι και οψαρτυται πονουνται φροντιζοντες ου γευσιν ὁπερ αναγκαιον ην ἡδυναι μονον αλλα και οψιν τῃ καθαριοτητι * τους αυχενας εν κυκλῳ περιαγοντες τοις οφθαλμοις και τοις μυκτηρσι περιλιχνευουσι τοις μεν τας ευσαρκιας και το πληθος τοις δε την αναδιδομενην κνισαν ειτα ὁταν αμφοτερων οψεων τε και οσμων γενωνται διακορεις εσθιειν κελευουσιν επαινεσαντες ουκ ολιγα την παρασκευην και τον ἑστιατορα της πολυτελειας ἑπτα γουν και πλειους εισκομιζονται τραπεζαι πληρεις ἁπαντων ὁσα γη τε και θαλαττα και ποταμοι και αηρ φερουσιν εκλογα παντα και ευσαρκα χερσαιων ενυδρων αεροπορων ὡν ἑκαστη διαλλασσει και ταις παρασκευαις και ταις παραρτυσεσιν ὑπερ δε του μηδεν ειδος απολειφθηναι των εν τῃ φυσει τελευταιαι των ακροδρυων εισκομιζονται γεμουσαι διχα των εις τους κωμους και τας λεγομενας επιδειπνιδας ειτα αἱ μεν εκκομιζονται κεναι δια την των παροντων απληστιαν οἱ τροπον αιθυιων εμφορουμενοι κατοψοφαγουσιν οὑτως ὡς και των οστεων επεντραγειν τας δε λωβησαντες και σπαραξαντες ἡμιβρωτους εωσιν ὁταν δε τελεως απαγορευσωσι τας μεν γαστερας αχρι φαρυγγων πεπληρωμενοι κενοι δε προς τας επιθυμιας απειρηκοτες προς τας εδωδας * αλλα τι ταυτα προσηκε μηκυνειν ἁ παρα πολλοις ηδη των μετριωτερων καταγινωσκεται προσαναρρηγνυντα τας επιθυμιας ὡν ἡ μειωσις ὠφελιμον ευξαιτο γαρ αν τις τα απευκταιοτατα πειναν τε και διψαν (μαλλον) η την εν ταις τοιαυταις ευωχιαις αφθονον σιτιων και ποτων περιουσιαν των εν τῃ ἑλλαδι συμποσιων τα περιβοητα και σημειωδεστατα δυο ταυτα εστιν οἱς και σωκρατης παρετυγχανε το μεν εν καλλιου ἡνικα στεφανωθεντος αυτολυκου τα επινικια εἱστια το δε εν αγαθωνος ἁ και μνημης ηξιωσαν ανδρες τα τε ηθη και τους λογους φιλοσοφοι ξενοφων τε και πλατων ανεγραψαντο γαρ ὡς αξιομνημονευτα οἱς ὑπετοπασαν χρησεσθαι παραδειγμασι τους επειτα της εν συμποσιοις εμμελους διαγωγης αλλ ὁμως και ταυτα συγκρινομενα τοις των ἡμετερων οἱ τον θεωρητικον ησπασαντο βιον γελως αναφανειται
ἡδονας μεν ουν εχει ἑκατερον ανθρωπικωτερον δε εστι το ξενοφωντος αυλητριδες τε και ορχησται και θαυματοποιοι και ποιηται γελοιων επι τῳ σκωψαι και χαριεντισασθαι μεγα φρονουντες εισι τινες και αλλα των εν ταις ἱλαρωτεραις ανεσεσι το δε πλατωνικον ὁλον σχεδον εστι περι ερωτος ουκ ανδρων γυναιξιν επιμανεντων η γυναικων ανδρασιν αυτο μονον ὑποτελουσι γαρ αἱ επιθυμιαι αὑται νομοις φυσεως αλλα ανδρων αρρεσιν ἡλικιᾳ μονον διαφερουσι και γαρ ει τι περι ερωτος και αφροδιτης ουρανιου κεκομψευσθαι δοκει χαριν αστεϊσμου παρειληπται το γαρ πλειστον αυτου μερος ὁ κοινος και πανδημος ερως διειληφεν ανδρειαν μεν την βιωφελεστατην αρετην κατα πολεμον και κατ ειρηνην αφαιρουμενος θηλειαν δε νοσον ταις ψυχαις εναπεργαζομενος και ανδρογυνους κατασκευαζων οὑς εχρην πασι τοις προς αλκην επιτηδευμασι συγκροτεισθαι λυμηναμενος δε την παιδικην ἡλικιαν και εις ερωμενης ταξιν και διαθεσιν αγαγων εζημιωσε και τους εραστας περι τα αναγκαιοτατα σωμα και ψυχην και ουσιαν αναγκη γαρ του παιδεραστου τον μεν νουν τετασθαι προς τα παιδικα προς ταυτα μονον οξυδορκουντα προς δε τα αλλα παντα ιδια τε και κοινα τυφλουμενον (το δε σωμα) ὑπο της επιθυμιας και μαλιστα ει αποτυγχανοιτο συντηκεσθαι την δε ουσιαν ελαττουσθαι διχοθεν εκ τε αμελειας και των εις τον ερωμενον αναλωματων παραφυεται δε και μειζον αλλο πανδημον κακον ερημιαν γαρ πολεων και σπανιν του αριστου γενους ανθρωπων και στειρωσιν και αγονιαν τεχναζονται οἱ μιμουνται τους ανεπιστημονας της γεωργιας σπειροντες αντι της βαθυγειου πεδιαδος ὑφαλμους αρουρας η λιθωδη και αποκροτα χωρια ἁ προς τῳ μηδεν πεφυκεναι βλαστανειν και τα καταβληθεντα φθειρει σπερματα σιωπω τα των μυθων πλασματα και τους δισωματους οἱ κατ αρχας προσφυντες αλληλοις ἑνωτικαις δυναμεσιν αυθις οἱα μερη συνεληλυθοτα διεζευχθησαν της ἁρμονιας ὑφ ἡς συνειχοντο λυθεισης ευπαραγωγα γαρ ταυτα παντα δυναμενα τῃ καινοτητι της επινοιας τα ωτα δελεαζειν ὡν εκ πολλου του περιοντος οἱ μωυσεως γνωριμοι μεμαθηκοτες εκ πρωτης ἡλικιας εραν αληθειας καταφρονουσιν ανεξαπατητοι διατελουντες αλλ επειδη τα διωνομασμενα συμποσια τοιαυτης μεστα φλυαριας εστιν εν ἑαυτοις εχοντα τον ελεγχον ει τις μη προς δοξας και την διαδοθεισαν περι αυτων ὡς δη πανυ κατωρθωμενων φημην εθελησειεν αφοραν αντιταξω (τα) των ανατεθεικοτων τον ιδιον βιον και ἑαυτους επιστημῃ και θεωριᾳ των της φυσεως πραγματων κατα τας του προφητου μωυσεως ἱερωτατας ὑφηγησεις
οὑτοι το μεν πρωτον αθροιζονται δι ἑπτα ἑβδομαδων ου μονον την ἁπλην ἑβδομαδα αλλα και την δυναμιν τεθηποτες ἁγνην γαρ και αειπαρθενον αυτην ισασιν εστι δε προεορτος μεγιστης ἑορτης ἡν πεντηκοντας ελαχεν ἁγιωτατος και φυσικωτατος αριθμων εκ της του ορθογωνιου τριγωνου δυναμεως ὁπερ εστιν αρχη της των ὁλων γενεσεως συσταθεις επειδαν ουν συνελθωσι λευχειμονουντες φαιδροι μετα της ανωτατω σεμνοτητος ὑποσημαινοντος τινος των εφημερευτων οὑτω γαρ ονομαζειν εθος τους εν ταις τοιαυταις ὑπηρεσιαις προ της κατακλισεως σταντες ἑξης κατα στοιχον εν κοσμῳ και τας τε οψεις και τας χειρας εις ουρανον ανατειναντες τας μεν επειδη τα θεας αξια καθοραν επαιδευθησαν τας δε ὁτι καθαραι λημματων εισιν ὑπ ουδεμιας προφασεως των εις πορισμον μιαινομεναι προσευχονται τῳ θεῳ θυμηρη γενεσθαι και κατα νουν απαντησαι την ευωχιαν μετα δε τας ευχας οἱ πρεσβυτεροι κατακλινονται ταις εισκρισεσιν ακολουθουντες πρεσβυτερους δε ου τους πολυετεις και πολιους νομιζουσιν [αλλ ετι κομιδῃ νεους παιδας] εαν οψε της προαιρεσεως ερασθωσιν αλλα τους εκ πρωτης ἡλικιας ενηβησαντας και ενακμασαντας τῳ θεωρητικῳ μερει φιλοσοφιας ὁ δη καλλιστον και θειοτατον εστι συνεστιωνται δε και γυναικες ὡν πλεισται γηραιαι παρθενοι την ἁγνειαν ουκ αναγκῃ καθαπερ ενιαι των παρ ἑλλησιν ἱερειων διαφυλαξασαι μαλλον η καθ ἑκουσιον γνωμην δια ζηλον και ποθον σοφιας ᾑ συμβιουν σπουδασασαι των περι σωμα ἡδονων ηλογησαν ου θνητων εκγονων αλλ αθανατων ορεχθεισαι ἁ μονη τικτειν αφ ἑαυτης οἱα τε εστιν ἡ θεοφιλης ψυχη σπειραντος εις αυτην ακτινας νοητας του πατρος αἱς δυνησεται θεωρειν τα σοφιας δογματα διανενεμηται δε ἡ κατακλισις χωρις μεν ανδρασιν επι δεξια χωρις δε γυναιξιν επ ευωνυμα μη που τις ὑπολαμβανει στρωμνας ει και ου πολυτελεις αλλ ουν μαλακωτερας ανθρωποις ευγενεσι και αστειοις και φιλοσοφιας ασκηταις ευτρεπισθαι στιβαδες γαρ εισιν εικαιοτερας ὑλης εφ ὡν ευτελη πανυ χαμαιστρωτα παπυρου της εγχωριου μικρον ὑπερεχοντα κατα τους αγκωνας ἱνα επερειδοιντο την μεν γαρ λακωνικην σκληραγωγιαν ὑπανιασιν αει δε και πανταχου την ελευθεριον ευκολιαν επιτηδευουσιν ανα κρατος τοις ἡδονης φιλτροις απεχθομενοι διακονουνται δε ουχ ὑπ ανδραποδων ἡγουμενοι συνολως την θεραποντων κτησιν ειναι παρα φυσιν ἡ μεν γαρ ελευθερους ἁπαντας γεγεννηκεν αἱ δε τινων αδικιαι και πλεονεξιαι ζηλωσαντων την αρχεκακον ανισοτητα καταζευξασαι το επι τοις ασθενεστεροις κρατος τοις δυνατωτεροις ανηψαν εν δη τῳ ἱερῳ τουτῳ συμποσιῳ δουλος μεν ὡς εφην ουδεις ελευθεροι δε ὑπηρετουσι τας διακονικας χρειας επιτελουντες ου προς βιαν ουδε προσταξεις αναμενοντες αλλ εθελουσιῳ γνωμῃ φθανοντες μετα σπουδης και προθυμιας τας επικελευσεις ουδε γαρ οἱ τυχοντες ελευθεροι ταττονται προς ταις ὑπουργιαις ταυταις αλλ οἱ νεοι των εν τῳ συστηματι μετα πασης επιμελειας αριστινδην επικριθεντες ὁν χρη τροπον αστειους και ευγενεις προς ακραν αρετην επειγομενους οἱ καθαπερ υἱοι γνησιοι φιλοτιμως ασμενοι πατρασι και μητρασιν ὑπουργουσι κοινους αὑτων γονεις νομιζοντες οικειοτερους των αφ αἱματος ει γε καλοκαγαθιας ουδεν οικειοτερον εστι τοις ευ φρονουσιν αζωστοι δε και καθειμενοι τους χιτωνισκους εισιασιν ὑπηρετησοντες ἑνεκα του μηδεν ειδωλον επιφερεσθαι δουλοπρεπους σχηματος εις τουτο το συμποσιον
οιδ ὁτι γελασονται τινες ακουσαντες γελασονται δε οἱ κλαυθμων και θρηνων αξια δρωντες οινος εκειναις ταις ἡμεραις ουκ εισκομιζεται αλλα διαυγεστατον ὑδωρ ψυχρον μεν τοις πολλοις θερμον δε των πρεσβυτατων τοις ἁβροδιαιτοις και τραπεζα καθαρα των εναιμων εφ ἡς αρτοι μεν τροφη προσοψημα δε ἁλες οἱς εστιν ὁτε και ὑσσωπος ἡδυσμα παραρτυεται δια τους τρυφωντας νηφαλια γαρ ὡς τοις ἱερευσι θυειν και τουτοις βιουν ὁ ορθος λογος ὑφηγειται οινος μεν γαρ αφροσυνης φαρμακον οψα δε πολυτελη το θρεμματων απληστοτατον διερεθιζει την επιθυμιαν και τα μεν πρωτα τοιαυτα μετα δε το κατακλιθηναι μεν τους συμποτας εν αἱς εδηλωσα ταξεσι στηναι δε τους διακονους εν κοσμῳ προς ὑπηρεσιαν ἑτοιμους (ὁ προεδρος αυτων πολλης ἁπαντων ἡσυχιας γενομενης) ποτε δε ουκ εστιν ειποι τις αν αλλ ετι μαλλον η προτερον ὡς μηδε γρυξαι τινα τολμαν η αναπνευσαι βιαιοτερον ζητει τι των εν τοις ἱεροις γραμμασιν η και ὑπ αλλου προταθεν επιλυεται φροντιζων μεν ουδεν επιδειξεως ου γαρ της επι δεινοτητι λογων ευκλειας ορεγεται θεασασθαι δε τινα ποθων ακριβεστερον και θεασαμενος μη φθονησαι τοις ει και μη ὁμοιως οξυδορκουσι τον γουν του μαθειν ἱμερον παραπλησιον εχουσι και ὁ μεν σχολαιοτερᾳ χρηται τῃ διδασκαλιᾳ διαμελλων και βραδυνων ταις επαναληψεσιν εγχαραττων ταις ψυχαις τα νοηματα τῃ γαρ ἑρμηνειᾳ του ευτροχως και απνευστι συνειροντος ὁ των ακροωμενων νους συνομαρτειν αδυνατων ὑστεριζει και απολειπεται της καταληψεως των λεγομενων οἱ δε ανωρθιακοτες (τα ωτα και τους οφθαλμους ανατετακοτες) εις αυτον επι μιας και της αυτης σχεσεως επιμενοντες ακροωνται το μεν συνιεναι και κατειληφεναι νευματι και βλεμματι διασημαινοντες τον δε επαινον του λεγοντος ἱλαροτητι και τῃ σχεδην περιαγωγῃ του προσωπου την δε διαπορησιν ηρεμαιοτερᾳ κινησει της κεφαλης και ακρῳ δακτυλῳ της δεξιας χειρος ουχ ἡττον δε των κατακεκλιμενων οἱ παρεστωτες νεοι προσεχουσιν αἱ δε εξηγησεις των ἱερων γραμματων γινονται δι ὑπονοιων εν αλληγοριαις ἁπασα γαρ ἡ νομοθεσια δοκει τοις ανδρασι τουτοις εοικεναι ζῳῳ και σωμα μεν εχειν τας ῥητας διαταξεις ψυχην δε τον εναποκειμενον ταις λεξεσιν αορατον νουν εν ᾡ ηρξατο ἡ λογικη ψυχη διαφεροντως τα οικεια θεωρειν ὡσπερ δια κατοπτρου των ονοματων εξαισια καλλη νοηματων εμφαινομενα κατιδουσα και τα μεν συμβολα διαπτυξασα και διακαλυψασα γυμνα δε εις φως προαγαγουσα τα ενθυμια τοις δυναμενοις εκ μικρας ὑπομνησεως τα αφανη δια των φανερων θεωρειν επειδαν ουν ἱκανως ὁ προεδρος διειλεχθαι δοκῃ και κατα προαιρεσιν απηντηκεναι τῳ μεν ἡ διαλεξις ευσκοπως ταις επιβολαις τοις δε ἡ ακροασις κροτος εξ ἁπαντων ὡς αν συνηδομενων εις το ετι ἑψομενον γινεται και επειτα ὁ μεν αναστας ὑμνον ᾳδει πεποιημενον εις τον θεον η καινον αυτος πεποιηκως η αρχαιον τινα των παλαι ποιητων μετρα γαρ και μελη καταλελοιπασι πολλα επων τριμετρων προσοδιων ὑμνων παρασπονδειων παραβωμιων στασιμων χορικων στροφαις πολυστροφοις ευ διαμεμετρημενων μεθ ὁν και οἱ αλλοι κατα ταξεις εν κοσμῳ προσηκοντι παντων κατα πολλην ἡσυχιαν ακροωμενων πλην ὁποτε τα ακροτελευτια και εφυμνια ᾳδειν δεοι τοτε γαρ εξηχουσι παντες τε και πασαι ὁταν δε ἑκαστος διαπερανηται τον ὑμνον οἱ νεοι την προ μικρου λεχθεισαν τραπεζαν εισκομιζουσιν εφ ἡς το παναγεστατον σιτιον αρτος εζυμωμενος μετα προσοψηματος ἁλων οἱς ὑσσωπος αναμεμικται δι αιδω της ανακειμενης εν τῳ ἁγιῳ προναῳ ἱερας τραπεζης επι γαρ ταυτης εισιν αρτοι και ἁλες ανευ ἡδυσματων αζυμοι μεν οἱ αρτοι αμιγεις δε οἱ ἁλες προσηκον γαρ ην τα μεν ἁπλουστατα και ειλικρινεστατα τῃ κρατιστῃ των ἱερεων απονεμηθηναι μεριδι λειτουργιας αθλον τους δε αλλους τα μεν ὁμοια ζηλουν απεχεσθαι δε των αυτων ἱνα εχωσι προνομιαν οἱ κρειττονες
μετα δε το δειπνον την ἱεραν αγουσι παννυχιδα αγεται δε ἡ παννυχις τον τροπον τουτον ανιστανται παντες αθροοι και κατα μεσον το συμποσιον δυο γινονται το πρωτον χοροι ὁ μεν ανδρων ὁ δε γυναικων ἡγεμων δε και εξαρχος αἱρειται καθ ἑκατερον εντιμοτατος τε και εμμελεστατος ειτα ᾳδουσι πεποιημενους ὑμνους εις τον θεον πολλοις μετροις και μελεσι τῃ μεν συνηχουντες τῃ δε και αντιφωνοις ἁρμονιαις επιχειρονομουντες και επορχουμενοι και επιθειαζοντες τοτε μεν τα προσοδια τοτε δε τα στασιμα στροφας τε τας εν χορειᾳ και αντιστροφας ποιουμενοι ειτα ὁταν ἑκατερος των χορων ιδιᾳ και καθ ἑαυτον ἑστιαθῃ καθαπερ εν ταις βακχειαις ακρατου σπασαντες του θεοφιλους αναμιγνυνται και γινονται χορος εἱς εξ αμφοιν μιμημα του παλαι συσταντος κατα την ερυθραν θαλασσαν ἑνεκα των θαυματουργηθεντων εκει το γαρ πελαγος προσταξει θεου τοις μεν σωτηριας αιτιον τοις δε πανωλεθριας γινεται ῥαγεντος μεν γαρ και βιαιοις ανακοπαις ὑποσυρεντος και ἑκατερωθεν εξ εναντιας οἱα τειχων παγεντων το μεθοριον διαστημα εις λεωφορον ὁδον και ξηραν πασαν ανατμηθεν ευρυνετο δι ἡς ὁ λεως επεζευσεν αχρι της αντιπεραν ηπειρου προς τα μετεωρα παραπεμφθεις επιδραμοντος δε ταις παλιρροιαις και του μεν ενθεν του δε ενθεν εις το χερσωθεν εδαφος αναχυθεντος οἱ επακολουθησαντες των πολεμιων κατακλυσθεντες διαφθειρονται τουτο δε ιδοντες και παθοντες ὁ λογου και εννοιας και ελπιδος μειζον εργον ην ενθουσιωντες τε ανδρες ὁμου και γυναικες εἱς γενομενοι χορος τους ευχαριστηριους ὑμνους εις τον σωτηρα θεον ῃδον εξαρχοντος τοις μεν ανδρασι μωυσεως του προφητου ταις δε γυναιξι μαριαμ της προφητιδος τουτῳ μαλιστα απεικονισθεις ὁ των θεραπευτων και θεραπευτριδων μελεσιν αντηχοις και αντιφωνοις προς βαρυν ηχον των ανδρων ὁ γυναικων οξυς ανακιρναμενος εναρμονιον συμφωνιαν αποτελει και μουσικην οντως παγκαλα μεν τα νοηματα παγκαλοι δε αἱ λεξεις σεμνοι δε οἱ χορευται το δε τελος και των νοηματων και των λεξεων και των χορευτων ευσεβεια μεθυσθεντες ουν αχρι πρωϊας την καλην ταυτην μεθην ου καρηβαρουντες η καταμυοντες αλλα διεγηγερμενοι μαλλον η ὁτε παρεγενοντο εις το συμποσιον τας τε οψεις και ὁλον το σωμα προς την ἑω σταντες επαν θεασωνται τον ἡλιον ανισχοντα τας χειρας ανατειναντες εις ουρανον ευημεριαν και αληθειαν επευχονται και οξυωπιαν λογισμου και μετα τας ευχας εις τα ἑαυτων ἑκαστος σεμνεια αναχωρουσι παλιν την συνηθη φιλοσοφιαν εμπορευσομενοι και γεωργησοντες θεραπευτων μεν δη περι τοσαυτα θεωριαν ασπασαμενων φυσεως και των εν αυτῃ και ψυχῃ μονῃ βιωσαντων ουρανου μεν και κοσμου πολιτων τῳ δε πατρι και ποιητῃ των ὁλων γνησιως συσταθεντων ὑπ αρετης ἡτις (θεου) φιλιαν αυτοις προυξενησεν οικειοτατον γερας καλοκαγαθιας προσθεισα πασης αμεινον ευτυχιας επ αυτην ακροτητα φθανον ευδαιμονιας