IN DIE PENTECOSTES AD INFANTES DE SACRAMENTO
Hoc quod videtis in altari dei etiam transacta nocte vidistis sed quid esset quid sibi vellet quam magnae rei sacramentum contineret nondum audistis quod ergo videtis panis est et calix quod vobis etiam oculi vestri renuntiant quod autem fides vestra postulat instruenda panis est corpus christi calix sanguis christi breviter quidem hoc dictum est quod fidei forte sufficiat sed fides instructionem desiderat dicit enim propheta nisi credideritis non intellegetis potestis enim modo dicere mihi praecepisti ut credamus expone ut intellegamus potest enim in animo cuiusquam cogitatio talis suboriri dominus noster iesus christus novimus unde acceperit carnem de virgine maria infans lactatus est nutritus est crevit ad iuvenilem aetatem perductus est a iudaeis persecutionem passus est ligno suspensus est in ligno interfectus est de ligno depositus est sepultus est tertia die resurrexit quo die voluit in coelum ascendit illuc levavit corpus suum inde est venturus ut iudicet vivos et mortuos ibi est modo sedens ad dexteram patris quomodo est panis corpus eius et calix vel quod habet calix quomodo est sanguis eius ista fratres ideo dicuntur sacramenta quia in eis aliud videtur aliud intellegitur quod videtur speciem habet corporalem quod intellegitur fructum habet spiritalem corpus ergo christi si vis intellegere apostolum audi dicentem fidelibus vos autem estis corpus christi et membra si ergo vos estis corpus christi et membra mysterium vestrum in mensa dominica positum est mysterium vestrum accipitis ad id quod estis amen respondetis et respondendo subscribitis audis enim corpus christi et respondes amen esto membrum corporis christi ut verum sit amen quare ergo in pane nihil hic de nostro afferamus ipsum apostolum identidem audiamus qui cum de isto sacramento loqueretur ait unus panis unum corpus multi sumus intellegite et gaudete unitas veritas pietas caritas unus panis quis est iste unus panis unum corpus multi recolite quia panis non fit de uno grano sed de multis quando exorcizabamini quasi molebamini quando baptizati estis quasi conspersi estis quando spiritus sancti ignem accepistis quasi cocti estis estote quod videtis et accipite quod estis hoc apostolus de pane dixit iam de calice quid intellegeremus etiam non dictum satis ostendit sicut enim ut sit species visibilis panis multa grana in unum consperguntur tamquam illud fiat quod de fidelibus ait scriptura sancta erat illis anima una et cor unum in deum sic et de vino fratres recolite unde fit vinum grana multa pendent ad botrum sed liquor granorum in unitate confunditur ita et dominus christus nos significavit nos ad se pertinere voluit mysterium pacis et unitatis nostrae in sua mensa consecravit qui accipit mysterium unitatis et non tenet vinculum pacis non mysterium accipit pro se sed testimonium contra se conversi ad dominum deum patrem omnipotentem puro corde ei quantum potest parvitas nostra maximas atque veras gratias agamus precantes toto animo singularem mansuetudinem eius ut preces nostras in beneplacito suo exaudire dignetur inimicum quoque a nostris actibus et cogitationibus sua virtute expellat nobis multiplicet fidem mentem gubernet spiritales cogitationes concedat et ad beatitudinem suam perducat per iesum christum filium eius amen.